Ai tangamon idaonku Ho muse di surgo i?
Jadi hot do hirimonku ingkon hita rap disi
Tangkup tangan ni Tuhanmu sai oloi podaNa i
Asa lam tiur dalanmu tu banua ginjang i
Naeng tutu ma parsidohot au di hangoluan i
Asa saut pajumpang hita di banuaginjang i.
Ai tagamon do pajumpang hita di na tiur i?
Rap dohot haholonganta naung tangkas tinanda i?
Las ni roha, olopolop jambar ni na sahat i
Antong tole haringkothon asa dohot ho tusi
Na las do rohangku dohot tu haroan bolon i
Ai naeng dohot au pajumpang dohot angka dongan i.
Songon dia do pajumpang angka na di ginjang i?
Na saksak, na marsinondang do parulosonna i
Nang na pogos, nang na mora rap martumpal be disi
Rap martua do naung tolhas tu banua ginjang i
Ala ni ringgas ma hita mangihuthon Jesus i
Jesus do parhiteanta, parhatuaonta i.
