HKBP Digital
Huria Kristen Batak Protestan • Hata ni Debata

Bibel Hata Batak Toba

“HataMi do sulusulu tu pathu jala hatiuron di dalanku.”

— Psalmen 119:105
Buku: Hosea (Padan Na Robi / Najumpa) Bindu: 3 sian 14 Bindu
Hata ni Debata

Hosea 3

Bibel Batak Toba • Padan Na Robi (Padan Najumpa)
1
I. Marpadanpadan muse si Hosea dohot boruboru sibabijalang; bagabaga taringot tu hamubaon ni roha ni Israel sogot 1-5

(I.) Dung i ninna Jahowa ma tu ahu; ulahi ma laho, haholongi ma sada parompuan na hinaholongan ni puangna nian, hape marmainan do; songon pangkaholongi ni Jahowa di halak Israel, hape marbalik do nasida tu angka debata sileban, jala mangapian di gaburgabur angka na tinanggulean.

2

Jadi hutobus parompuan i di ahu arga sampululima rupia dohot tonga dua tuhukan eme.

3

Dung i ningku ma tu ibana: Tung nania leleng do ho di ahu; unang ho marmainan jala unang ho masiamangamang, ahu pe songon i tu ho.

4

Ai tung na leleng do halak Israel hundulhundul sogot ndang marraja, jala ndang marinduk, jala ndang marpelean, jala ndang marlanggatan jala ndang marsampesampe epod manang marganaganaan terapim.

5

Dung i di laonlaon ni ari mulak ma halak Israel, jala luluannasida ma Jahowa, Debatanasida i dohot si Daud, rajanasida i jala angka hitir nasida mandapothon Jahowa dohot hatuaonna di ujung ni angka ari.